I bi grad gstärkt vom geistleche Pousebrot vom Mittwuch: livenet.ch/pause
Hüt het der Andreas Straubhaar üs ermuetiget die Bewärbig vo Gott wo d'Bibu isch ärnscht z'näh, im Wüsse, dass Jesus der Glych isch, Geschter, Hüt u ou Morn. I sym Wort finde mir sy Läbeslouf, syni Tätigkeite u o syni Referänze. Gäbe mir das doch o so anderne wyter.
Syt myre Erchrankig het sech myni liebi Nachbarin bereit erklärt üsi Wösch z'mache. Das isch für mi es riise Gschänk u überhoupt nid sälbstverständlech! I wett mi hie härzlech bedanke!
Jetz chunnt de grad d'Sarah cho häufe choche. I muess scho am 12.30 Uhr in Burgdorf sy für z'ersch Bluetentnahm, nächär s'Gspräch mit em Onkolog u we d'Bluetwärte guet sy, d'Kältehube u scussändlech d'Chemo. My Schatz tuet mi häre u geit i dere Zyt won ig im Spital bi uf Willisou.