Di Müedigkeit isch omnipresänt...Letscht Nacht bin ig paar Mau erwachet, das zeigt sech Hüt...I bi so froh, dass d'Sarah bym Zmittagchoche hilft. I verliere bym Dusche mega viel Haar...Am 13.30 Uhr stellt mi my Schatz bym Inselspital ab. I warte dört fasch e Halb Stund bis si mi rüefe. Das Ganze duuret öppe 5 Minute...Si hei die Stryche wo's wägem Schwitze oder Dusche glöscht het oder s'Kläberli glöst het. Won ig Hei cho bi het gly druf abe s'Mamie aaglütte. Si darf ab Morn wieder i Gang use u cha mit ihrne MitbewohnerInne vor Abteilig wo o negativ testet sy, ume im Ufenthaltsruum ässe. Bsueche darf ig se de erscht ab em 24.02.2021. Si füehlt sech z'erscht schlächt. das besseret aber mit em Lavere zuesehends. I lah se no mys Interview lose: «Mutig & frei» trotz Todesdiagnose (livenet.ch)
Nach paar Telefons luegen ig no ne Film u nächär chunnt my Schatz. Mir ässe zäme Znacht und ig schrybe...