Hüt isch ume chly es Wächsubad vo myne Gfüeu. Am Morge han ig es Gspräch gha mit öpperem vor Spitex. I wott früeh gnueg aagmäudet sy, da ig nid weiss wi sech mys Wohlbefinde wird verändere. Es macht mir nid i däm Sinn Angst aber i ha Respäkt vor de Veränderige won ig a mym Körper gschpühre. I bi sooo schnäu Müed. I ha knapp möge Zmittag choche, es isch aber no grad gange. Am Namittag het mir my Schatz no aaglütte u mir empfohle chly use go VitaminD ufnäh, da d'Sunne so schön gschune het. Ig ha's aber wäg em starche Wind nid lang usghalte. I ha immer wieder müesse liege...
Zwüschyne, han ig ume mit em Mamie gredt. Gester am Abe isch es ihre gar nid guet gange...S'B. het mir lang aaglütte. Si wott mi cho bsueche.
Am Vieri isch d'I. cho. Si het ganz viu Gloube u tuet mi ermuetige uf s'Positive z'luege. Das wott ig o!
Hinecht isch d'F. cho wo d'Bystandschaft vom P. übernimmt. Mir hei zäme Ornig im Ordner gmacht. Nächscht Mau mache mir de zäme no d'Stürerklärig u si wird nächär übernäh. I bi so froh!