Eines Tages isch der Papi mit ere Überraschig vom Busch Hei cho . Är het zum Zmittag en Affemuetter müesse mitässe u het so mit ihrem Chlyne erbarme gha, dass er das grad üs Hei bracht het. Es isch es chlyses Meerchatzäffli gsy. Es isch totau verängschtigt gsy u isch grad uf e Rügge vo eire vo üsne Hüener gumpet. Die het fasch düredräit u isch mit ihm wie Wild dür e Garte gspeedet...Der Papi het der Hoppi, e so hei mir ihn gnennt, a ne dünni Chetti am ne Ussepfoste aagmacht. Der Hoppi het zwüschyne e so Chnüpple i die Chetti gmacht, dass si het lah gah. De isch er ab. Einisch isch er is Huus. Er het si Chopf hingere Schaft gschtreckt u het gmein: wenn ig di nid gseh, de gsehsch mi o nid...Es angers Mau isch er uf s'Palmedach vo üsne Nachbare wo eh scho löcher het gha u het si Spass dranne gha zu dene Löcher is Huus abe z'luege. Das het am Papi gar nid gfaue. Mir hei gly gluegt, dass der Hoppi zu re befründete Familie us Belgie het chönne. Bi üs isch eh scho Zämepack-Stimmig gsy, da mir gly druf abe id Schwyz zrügg sy. I muess de no es Fötteli finde...Das Bild ist von Pixabay, Danke.