Ja, das han ig mir nid wölle lah entgah. My Näffe het ir BPlus Konolfingen, won ig dervo Mitglied bi, Hüt d'Predig gha. I ha per WhatsApp chönne derby sy. Das isch e Predig nach mym Gschmack gsy, aawändbar u outhentisch.
Ja, wenn ig myni Fründe wott erreiche mit däm won ig gloube, muess ig se:
- gärn ha u ihne mit Liebi begägne
- mit däm bekannt mache won ig gloube, auso o drüber rede
- mit mym Handle überzüge
- u schlussändlech uf s'Würke vo Gott vertroue
E guete Kolleg vom M@i isch cho Zmittag ässe. Es isch o chly my Suhn worde i de letschte Jahre wo mir üs kenne u ig ha ihn u sys Schätzeli is Härz gschlosse. Wo si gange sy isch es ganz ruhig worde. Ja, mir sy scho so wyt, dass mir zwöi allei da sy, my Schatz u ig. I gniesse jedi Minute mit ihm.