Es isch paar Mau passiert, dass s'Mamie erwachet isch ab em Schnarchle vom Nachtwächter. Si isch ne du aube mit em ne Chessu Wasser go wecke u är het jedesmal gschroue: "i ha nid gschlafe!" Es isch wieder Mau e Konferänz gsy u üse Nachtwächter het mit em Papi mitdörfe. Es isch i dere Nacht e andere cho wache. Plötzlech het der Hund, üse Pouki afa närvös tueh. Dä het de nid gschlafe. Wo der Wächter doch i Garte hinderen isch, het der Hund immer wider sini Zähn zeigt. Der Maschedrahtzuuhn isch wie ne Vorhang mit ere Stauschäri ufgschnitte worde u s'Töffli vom John isch scho i däm Vorhang ghanget. Dankdäm der Wächter hingeren isch, hei d'Diebe das lah gheie u sy dervo. D'Spuure hei o wieder zu Nachbare gfüehrt...