Es isch jedes Mal e Wohltat für myni Seel, wenn ig myni Chinder u Chindeschinder cha gseh. Wenn ig di chlyne cha Knuddle u si vo säuber zu mir chöme. Wenn der Noé mi aalachet oder der Aiden mir seit, i ha Di gärn, Grossmami. Jetz übernimmt mi grad e Truur, dass ig mit dere Diagnose äuä nid all myni Grosschinder wirden erläbe...
Wie muess es für s'Grandmaman sy wo jetz niemer darf gseh u vor allem nüt darf gspühre. Der ganz Tag allei, da faht doch der Chopf afa dräie.