D'Sarah isch cho häufe Zmittag choche. Es het es feins Pouletgschnätzlets a re Currysauce mit Ryys u Salat ggäh. Am 14.20 Uhr het mi der M. abgholt u is'Inselspital gfahre. Dört han ig am 15.00 Uhr e Termin gha. Si hei mir gseit, es göng 3/4 Stund, sy mi aber erscht am 15.30 Uhr cho hole. Dört hei si mir z'erscht e Maske gmacht wo mys ganze Gsicht plus myni Schultere wird zämeha, damit ig mi nid bewege. Si hei immer wieder CT u Foto Ufnahme gmacht u mi total bemalt. Die Streife u das Bildmaterial wärde ir nächste Wuche vo Physiker u Ärzt berächnet u am donnstig 11.2.2021 wärde si mi e so bestrahle, dass es nume di kaputte Rippi u Wirble preicht u nid di umliegende Organ. I bi also 5/4 Stund d'inne gsy. D'R. isch mi cho hole u het mi Hei gfahre. I bi froh gsy han ig am Abe ussert em ne über ei stündigs Telefon mit em Grandmaman nüt los gha. Mir hei über üsi Eländ Witzli gmacht u glachet. Gränne hilft o nid geng. Bitte bättet, dass si gly us der Einzuhaft entlah wird. Si laht la danke für d'Gebät...