Im "Petit Joss" hei mir vo 07.30 bis am 12.00 Uhr Schueu gha. Am Namittag isch es so heiss worde, dass es schwierig wär gsy sech z'konzentriere. Mir sy aube, wen der Papi nid isch ume gsy mit em Taxi vo Daheime bis zum grosse Kreisu nach der länge Brügg überem Wouri. Si isch 760 Meter läng u isch d'Verbindig vom Französische zum Änglische Teil vo Kamerun. Wenn öpper auso i Süd-Weste vom Land het wöue, de het er über di Brügg müesse u nächär vor üsem Huus düre. Vom Kreisu uus hei mir es Stadt Taxi müesse näh. Di ganzi Reis het bis zu re Stung duuret, we mir aube nume im Schritttempo vorwärts cho sy. Nach em ne Jahr het s'Mamie entschiede s'Outofahre z'lerne. Si isch vo denn aa meistens mit üs gfahre, am Afang haut mit em "L" u das haut allei...
Im Petit Joss bin ig vor erschte bis i di füfti Klass. Mir sy zwüsche 72 u 104 Schüeler gsy u das mit eire Lehrperson.
Das Büechli het mi Maa vor füf Jahr im ne Kiosque vom Flughafe in Douala entdeckt. Da chöme tatsächlech zwöi wyssi Chinder vor...