I ha scho gschrybe, dass mir alles zum Guete söu diene. Im Momänt gsehn igs no nid. Aber irgendwenn weiss ig de wieso ig wäg em ne Portkatheter e Wuche is Spital ha müesse, wenn er de no use muess...
Hüt am Nami hei si mir das Ding um usegno. I ha während em Ygriff chly wöue schlafe u ha würklech nüt mitübercho. Derfür isch es mir nächär no schlächt gsy, dass ig zwöi Mau ha müesse gögge. I ha nächär fasch nume döset. Dank de Mittu gäge s'Bräche, han ig s'Birchermüesli zum Znacht chönne bhalte. Der Kurt isch no verbycho u het scho Mau Blüemli mit Hei gno. Vorussichtlech chan ig Morn Hei. I hoffe die Nächscht so guet wi letscht Nacht chönne z'schlafe, de isch es ok.