Ja, der Port muess use. Es chunnt de Morn uus wenn si ne usenäh, wieso är nid gangen isch. Es wär ja e gueti Sach, wenn er würd funktioniere. Hüt hei si drüü Röhrli müesse näh. Zwöi Armvene, ei Hand u ei Fuessvene hei müesse blüete...I machen im Momänt mym Name alli Ehr: bläuer bin ig...
Nach drüü Nächt mit ere Demänte Zimmernachbarin wo der ganz Tag schlaft u derfür ir Nacht uf wott u rumoret...han ig i nes anders Zimmer dörfe. U de sogar as Fänster, das tuet grad guet.
Am Namittag han ig e Seelsorgerliche Bsuech gha vom T. Das het mi g'ehrt. Churz nächär, isch my Schatz cho. Das het mir guet tah, syni Hand z'häbe.