Ja, si hei mi vorgester am Abe grad hie bhalte. I ha denn über 39 Grad Fieber gha. Si hei es EKG gmacht, hei mehreri Röhrli Bluet gnoh u vor allen aber ersch gäge 02.00 Uhr, der Coronatest gmacht. Die Person wo der Ytritt gmacht het isch nid so versiert in Port aastäche, drum het si mir am Arm u uf der Hand Leitige gsteckt.
Sobald ig Dafalgan übercho ha, sy d'Fieber abe. Si hei No es CT vor Lunge u vom Buuch gmacht. Si wette eifach äntlech usefinde wohär di Fieber sy.
Gester am Abe isch d'Schmärzärztin da gsy. Si het mir vorgschage, statt Morphium, Mal Metadon z'probiere. I ha jetz hüt am Morge umgstellt. Da wei si mi nätürlech o under Beobachtig ha.
Es isch luschtig, dass drü Pflegefachfroue vo dere Abteilig, entweder mi oder süsch öpper vor Familie Bläuer kenne. D'Wäut isch chly...
Hüt am Morge het mir der Houptleter vor Pfleg vom Spital, my Laptop bracht...drum chan ig hie wyterschrybe...das isch so das won ig weiss, sobau meh bekannt wird, schryben i wyter...
I merke jetz grad wi das Mittu würkt...