Ja, wahrschynlech isch grad chly z'viel gsy beidi Mittu zäme. I ha müesse gögge...
Zmittag han ig o nid möge ässe. Der A. isch no verbycho u das het mi gfreut.
I bi uf ne anderi Abteilig züglet worde, das isch ja d'Covid Abteilig gsy und i bi froh der Virus nid z'ha!
Wie wird ächt da zellt? I bi jetz zwöi Nächt uf der Covid Abteilig gsy, ei Nacht isoliert, mit Pfleg i Vollmontur u ei Nacht im ne andere Zimmer wäge negativem Test, ohni Vollmontur...
Chum bin ig uf der normale Abteilig aacho, isch mi my Schatz cho bsueche. I bi schlapper vo dene Mittu merke aber, dass si scho häufe gäge de Schmärze u doch längt's no nid ganz...I darf zuesätzlech bis zu 40mg Oxynorm ha.
I ha ganz viel Reaktione vom Talk u o vom Blog. Das isch mir e grossi Ermuetigung! Bitte, nähmet mir's nid übu, wenn ig nid sofort reagiere, i muess jetz o höre wäge Schmärze...