Gester hei mir dervo gha, dass es gäbig wär im Parterre es Zimmer z'ha. Der Kurt het ir Halle no es Resärvebett vo Nottwil wo me cha verstelle. I cha das für nes Zyttli bruuche. Der M@i u d'Sabrina hei gfunde, i müess nid bis Mitti März warte. Si hei gester Abe s'ganze Zimmer gruumt. Hüt isch der M. vo W. da gsy u het mit em M@i zäme der Teppich u vor allem der Lyym usegschrisse. Am Mittag sy si scho fertig gsy. Si hei am Nami neu gstryche.
Hüt isch e Bricht im Livenet über mi drynne mit em Video vo Vorgester «Mutig & frei» trotz Todesdiagnose - YouTube
Am Mittag han ig für die kochet wo hie schaffe...Viu z'viu han ig gkochet. Zwöi Schwynsbräte uf Bohne nach Südamerikanischer Art... Eh ja, de chan ig Mau mit de räschte Pennegratin mache. Hinecht hets Penne a re scharfe Sauce ggäh.
Am Nami han ig am Drüü Bsuech gha vor Leiterin vo Fachkommission Integration gha.
am 16.30 Uhr isch si gange u ig bi häregläge u ha afa Reaktione uf mys "Postete" gläse u beantwortet.
I ha Hinecht no chly gschrybe u ha immer meh Schüttufroscht. Vori han ig mit em Quäcksilbertermometer ungeren Arm 39 Grad gmässe. Jetz han ig en Andere Thermometer ynetah, ungerem Arm. Dä zeigt o sövu aa...bättet für mi i gah is Spitau...