I ha Gester wäg em Spital müesse der Test go mache. Hüt am Morge han ig scho am 07.30 Uhr ar Sekretärin vor Onkologie aaglütte u wölle wüsse, öb ig d'Chemo chönn go mache, wenn ig i Quarantäne syg. D'Mäldig isch gäge di Zähni cho, dass der Test negativ syg. Am Drüü isch du der Bscheid cho, dass ig Morn darf gah. I wirde eifach allei im ne Ruum sy für myni Chemo. Das stört mi gar nid, im Gägeteil de isch o niemer wo mi cha gfärde...
Am Namittag am Vieri han ig e Talk gha mit em Flo Wüthrich vom Lievenet. Er het scho länger mau gmäudet gha, dass er gärn mit mir möchti brichte. Es isch i re Themereihe zum Thema: Mutig und frei. Ab Morn Nami isch es de uf Youtube, i tue de der Link hie druf...