Am erschte Ougste hei mir üs aube mit angerne Schwyzer troffe. Es het aube Spanferkel ggäh. Da hei di Froue Sache verzellt wo ihne mit ihrne Chöch oder so passiert sy:
- D'Cheffin het s'Poulet zwäggmacht u der Wecker näbedraa gstellt. Si het am Choch erklärt, dass är's wenn s'lütti i Ofe söu tue. Wo si Hei cho isch, het's mega gschmürzelet: Er het der Wecker i Ofe tah gha...
- D'Cheffin het der Chöchinn zeigt wie me Bohne rüschtet. Wo si Hei cho isch het's komisch gschmöckt...si het alli Fäde gkochet u d'Bohne i ghüder tah.
- Es isch drumm gange Chauti Platte z'mache. D'Cheffin het am Choch gseit, är söu vo allne Sache näh wo im Kühlschrank syge. Wo's du gserviert isch worde het's druff gha, Schinke, Würstli, Salami, Essiggürkli, Chlyni Maischöubli, Radiesli, Fieberzäpfli, Essiggürkli, Olive, Radiesli, Fieberzäpli...Ja die vergöh, we me se nid im Kühlschrank ufbewahrt.