I wirde nächst Wuche mit ere Therapie afaa wo sött d'Chnoche stärke u doch gfählechi Näbewürkige cha ha. Wenn en Entzündlechi Stell umen isch, cha's derzue füehre, dass der Chnoche dört abstirbt. Drum han ig Hüt zum Zahnarzt müesse go s'ganze Muul röntge. Es isch ufwändig gsy, het mi aber o beruhigt z'ghöre, dass alles in Ornig isch. De Kurt het grad e Liefertuur is Oberland planet u het mi in Thun bym Schärmehof useglah, isch i Livique u het mi nächär ume ufglade. I bi du derfür mit ihm no uf Fruttige zum ne guete Chund go liefere. I hät nid chönne sälber fahre...