Ja, es het würklech besseret. I ha hüt tatsächlech weniger Schmärze. I bi gspannt, wie's de Hinecht isch, bym Abliege. Denn tuet's aube am meischte weh...
Der Kurt isch im Gottesdienst gsy u het s'Grandmaman aaschliessend Hei bracht. Mir hei zäme Zmittag gässe u nächär Siesta gmacht. Nachdäm mir d'Sändig Fenster zum Sonntag gluegt he, hei der M@i u d'Sabrina d'Grandmaman i Landblick gfahre. i gniesse grad di wärmende Sunnestrahle wo i üsi Stube schyyne. O d'Ussicht vo mym Chuchifänster isch umwärfend schön!