Letscht Nacht bin ig es paar Mal byyschtend uf. Myni Kaputte Rippi u der Port wo ybout isch worde, hei sech bemerkbar gmacht...auaaa!
Gäge Mittag sy liebi Fründe us em Oste uf Bsuech cho. Mir hei mit Rimus aagstosse u nes Zytli pläuderlet. Si hei du wyter müesse u ig bi grad yygschlafe.
Jetz wo's so Chalt isch, isch üses Holzsilo Läär. Der Kurt geit allpot go Holzhacke zum heize...
Öppe am Vieri het der Stephan aaglütte, ob er mit zwöine Giele chönni cho. Si hei Läbe id Bude bracht. Am Sächsi isch s'Flävi o cho u mir hei zäme Znacht ggässe.
I weiss würklech nid, öb das Morphium öppis nützt...i ha nämlech fescht weh...
Am Siebni het d'I. mir Blätter bracht won ig vom Schaffe här sött aktualisiere. I weiss würklech nid, was ig söu schrybe. Syt em Lockdown isch nüt meh gloffe mit üsne Träffs u syt drü Mönet bin ig o nüm im Büro gsy...das wär's für Hüt, igah gly Mau is Bett...