En afrikanische Gottesdienscht isch nid z'verglyyche mit üsne hiesige. Aafah tuet er zwüsche 7 und 9 u fertig isch er zwüsche 13 u 14 Uhr.
Am ne schöne Sunndig han ig während em Gottesdienst so mängisch glaferet gha, dass s'Mami mir nachär het wölle eis uf's Füdli houe. Si het mir s'Röckli schnäll abzoge u scho bin ig dervo gschprunge. .
Mir hei no gar nid so lang dört gwohnt u drum hei sech myni Eltere gly afa Sorge mache wüu ig nach ere Stund no nid fürecho bi. Üse boy isch du losgschickt worde u het mi am andere Ändi vom Städtli bi der Pfarrersfamilie, mit de Chinder am bode um e Kochtopf bym Zmittagässe gfunde...