Letscht Nacht bin ig am Drüü erwachet wüu myni Lunge grännet het. Es het komisch tönt u derzue so richtig kroset u gygset. I ha's plötzlech nümm usghalte uf em Rügge z'liege u bi ume eis abe id'Stube uf d' Massageliegi. Dört bin ig gly Mau yygschlafe u bi ersch erwachet wo my Schatz uf isch. Zum Glück hei mir die Liegi. Der Kurt isch aube öppedie für acht Franke, 16 Minute druf. Mir hei se vor Jaaahre am Schloss Hünigen abgkouft wüu si dört e besseri Massageliegi poschtet hei gha. Vorletscht Jahr hei mir se nöi lah mit Läder überzieh. I cha leider wäg myne Rippebrüch nid lah massiere aber druf liege geit guet.