Es macht mir Müeh d'Maske z'trage. I ha z'Gfüehl z'ersticke, wenn ig se richtig anne ha. Das isch der Houptgrund wiso ig hüt nid z'Predig bi. I bi aber dür myni Liebe mit der Gmeind verbunde. I weiss, dass ganz vieli für mi bätte.
Hüt bin ig online z'Burgdor gsy. Der Matthias Wenk het über d'Jahreslosig gredt. Die han ig vorgester postet...mir söue barmhärzig sy, wi üse Vater im Himmu barmhärzig isch. Das wott ig i der mir verblybende Zyt o sy.
Am Nami isch my Näffe u Göttibueb mit Syre Frou cho Zvieri näh u syni vor Bläuerbrocki usgläsnige Sache hole.
Zum Znacht hei mir mit em M@i zäme zu Thürs dörfe. Sarah u Päscu sy zum Chines uf Langnou go TakeAway hole. Mmmh! Das isch mega fein gsy!