Di letschte Täg sy für mi emotional aasträngend gsy. Es sy verschiedeni Verwandti cho luege u mir hei jede Tag Lüt am Tisch gha. Mängisch hei mir sogar i Schichte ggässe, dass d'C.-Massnahme sy gwahrt gsy...
I ha hüt am Morge are gmeinnützige Brocki aaglütte. Es het äuä spannend tönt, denn es isch Hinecht scho eine cho luege.
Da der Kurt froh isch, nid no nes wyters Wuchenändi ir Brocki z'verbringe, chunnt Morn am Morge es Team vor Brocki mit zwöi Lieferwägeli ihm cho hälfe wägruume.
Es git also nächschts Wuchenändi nüt meh z'luege ir Bläuer Brocki...
I bi o froh, no paar Täg mit em Kurt chönne Ferie daheime z'gniesse.