I de letschte Täg han ig viel gfyyret. I ha jede Tag gnosse u wott o di räschtleche Täg gniesse. I ha Geschter z'ersch mys Mamie u nächär all myni Chind u Chindeschind gseh...
Hüt am zwöi sy der Kurt u ig bym Onkolog gsy. Es isch also so, dass der Brustkräbs zrügg isch. Er isch aber nid glych wi vo acht Jahr. Er isch bösartig, viu aggressiver und wachst viu schneller. Ohni Chemotherapie blybti mir Wuchene u höchstens Mönet zum läbe u das mit starche Schmärze. Er isch scho ir Lunge, ir Läbere u i de Lymphe. Da der Kräbs i de Chnoche scho Schäde aagrichtet het, söu ig no ufe mit em Morphium. I bi Hüt vo 37 uf 50 Mikrogramm ufe.
Der Dr. het Morn mit der Chemotherapie wölle afah. I ha nei gseit, i wöu no silvestere...
Am Zischtig fahn ig mit der Chemotherapie aa. Er meint, es besseri de gly mau mit de Schmärze, we si aaschlaht. Es geit mir den Umständ entsprächend guet. Danke für öii Gebät!