Da so viel Gäst abgseit hei gha, hei mir alli zäme chönne fyyre. Zum Nachtässe hei si drü vierer Tische mit Plexiglas derzwüsche im Restaurant für üs parat gmacht. Kurt, P. u ig am einte, Stöcklis am zwöite, s'Grosi mit ihrer Pflegere u d'Sekretärin am dritte. Es het es feins Ässe gäh u feine Wyy derzue.
Der P. u ig hei gwettet gha. Är het bhouptet, dass es rägni u ig ha gseit es schneii ar Wiehnacht. Ir Nacht het er fasch nüt gschlafe. Jedi Stund isch er go luege, obs schneit. Am 6.30 Uhr isch es los...Wo mir zäme zum Zmorge sy, isch alles Wys gsy. Es het du der ganz Tag gschneit. P. het e Rundi Getränk müesse zahle...Es isch e gmüetleche Tag dynne gsy mit pläuderle, trinke, fein ässe u zwüschyne Nickerli mache...Am Abe, hets das Fötteli ggäh. Der P. isch nach em feine Znacht, zu üs is Zimmer cho der Kevin alei in New York luege. Genau i dere Zyt han ig es What'sApp us New York übercho... Myni Fründin wo dört Notfallärztin isch, het mir schöni Wiehnacht gwünscht u wölle wüsse wie's mir geit. Mir hei nach em Film ei Stund zäme gredt. Si wett mi am liebste uf Amerika näh u dört pflege...
Am 26. Sy mir ume richtig Ämmitau.