I ha hüt dörfe Zmorge ässe u nächär nümm...Am 10.15 Uhr sy der P. u ig us em Huus. I ha no myni Pflaster ir Apothek müesse hole. Am füf vor Elfi sy mir bym R. gsy. I ha es Glas Wasser gnoh u ihn dört glah.
Der Kurt het mi uf di Eis is Spital tah. Sofort het mir d'Pflegefachfrou ir Tagesklinik Bluet müesse näh. Di ersti hets nid gschafft. Di zwöiti het du z'erscht drüü Kanüle gfüllt u nächär e Leitig gleit. Ersch nachdäm s'Resultat vom Labor da isch gsy, isch der Narkose Dokter cho erkläre was er macht. Öppe am viertu ab Vieri hei si mi is CT gstosse. Dört han ig uf e Buuch müesse liege u de hei si dür d'Leitig es Coktail vo Schlaf u Starchem Schmärzmittu yneglah. I bi gly mau ygschlafe. I dere Zyt het mir e Radiolog e dicki Nadle voll us em Kammchnoche vom Becki gnoh. I bi ume erwachet, wo si mi id'Tagesklinik gschobe hei. Der Anästhesist het mir erklärt gha, dass das Schmärzmittu änlech würki wi ne LSD tripp...I bi tatsächlech in Kamerun, in Kribi erwachet. Das isch aber nume churzer Duur gsy. Am Vieri bin ig ume ganz wach gsy. I ha am Füfi Schmärzmittu verlangt. Zwöi Novalgin het's gäh. Gly druf bin ig uf's Hüsli u am Sächsi bin ig dusse gsy. Der P. u der Kurt hei mi abgholt. Mir hei Znacht gha u ig schrybe scho...