Im Früehlig han ig d'Leitig vom Lobprysteam vo üsere Chile mym Suhn am Matthias chönne abgäh. Das het mi mit Freud u Stolz erfüllt. Jetz weiss ig, dass es der richtig Momänt isch gsy...
Gester am Nami het der Kurt der P. gholt. I hät nid möge. Es sy immerhin zwöi Stung Outofahrt für ihn z'hole. Er chunnt jetz scho paar Jahr zu üs id Ferie. I bi (no) syni Byständin. Er ghört haut nach sächs Jahr scho zur Familie. Er wohnt i re Stiftig u schaffet dört ir Wärkstatt. I ha Hüt myni Demission a d'KESB gschrybe u hoffe no ne gueti Nachfolgelösig für ihn z'gseh. Das sy so Sache won ig muess abgäh. O bi myre Arbeitsstell machen ig mir Gedanke, wie's wytergeit...