Gester am Namittag isch myni Änkelin d'Jael bi mir gsy. I weiss, dass si gärn mit ihrem Cousin Aiden spielt drum bin ig mit ihre uf Höchi. E so han ig grad zwöi Flöige uf ei Tätsch chönne schlah: d'Jael isch ungerhaute gsy u ig ha wieder Mau Zyt gha mit myre Schwiegertochter z'brichte. Si hei wunderbar zäme gspielt bis ufs Mal drü grösseri Nachbarschind vor Schuel sy heicho u no grad der Even erwacht isch. Da isch d'Jael kurz überforderet gsy u isch uf myni Chnöi gflüchtet. Nach em ne Momäntli u em Zvieri, isch si ume uftouet u het wieder mitgspielt.
I liebe myni Chind u Grosschind u das git mir no Chraft Geduld z'ha.